PGT-A – პრეიმპლანტაციური გენეტიკური ტესტირება ანეუპლოიდიაზე

ლაბორატორია KROMOS-ში ანეუპლიდიაზე პრეიმპლანტაციური გენეტიკური ტესტირება (PGT-A) ტარდება შემდეგი თაობის სექვენირების (NGS) მეთოდით, რაც საშუალებას იძლევა, იმპლანტაციისთვის სწრაფად და მაღალი სიზუსტით შეირჩეს ქრომოსომული ანომალიების არმქონე ემბრიონები.

NGS მეთოდი იძლევა, როგორც ემბრიონის ყველა ქრომოსომის ანალიზის, ასევე, მოზაიციზმისა და დაუბალანსებელი ქრომოსომული გადაწყობების იდენტიფიცირების საშუალებას.

IVF ციკლში PGT-A კვლევის გამოყენება მნიშვნელოვნად ამცირებს წარუმატებელი იმპლანტაციისა და ორსულობის დანაკარგის რისკს და ზრდის ჯანმრთელი ბავშვის გაჩენის ალბათობას.

2/3-ზე მეტიემბრიონის 2/3-ზე მეტი შეიცავს ქრომოსომულ ანომალიებს (რიცხობრივს ან სტრუქტურულს)

რეპროდუქციული ასაკის ზრდა ასოცირდება ქრომოსომული პათოლოგიების მქონე ემბრიონების მიღების ალბათობის ზრდასთან. ამდენად, გენეტიკური ტესტირების გარეშე, მნიშვნელოვნად მცირდება წარმატებული IVF მცდელობის შანსები, რამდენადაც, მხოლოდ ვიზუალური შერჩევით, შეუძლებელია ანეუპლოიდური და ჯანმრთელი ემბრიონების დიფერენცირება.

გადასატანად შეიძლება შეირჩეს ისეთი ანეუპლოიდური ემბრიონები, რომლებიც ვიზუალურად არ განსხვავდებიან ქრომოსომული დარღვევების არმქონე ემბრიონებისგან.

მე-3-5 დღესემბრიონის განვითარების მე-3-5 დღეს ხდება ტროფექტოდერმის უჯრედების ბიოფსია PGT-A-ის ჩასატარებლად.

PGT-A შესაძლებელს ხდის, იდენტიფიცირდეს და შეირჩეს ემბრიონები ქრომოსომული დარღვევების გარეშე, რაც ზრდის იმპლანტაციისა და ორსულობის შანსებს.

სტატისტიკის მიხედვით, დამხმარე რეპროდუქციული ტექნელოგიების გამოყენებით ორსულობა დგება მცდელობების შემთხვევათა დაახლოებით 35%-ში.