კვლევა მშობლის/ნათესაობის დასადგენად
საქართველოს მასშტაბით
ნიმუშის ლაბორატორიაში მისვლის დღიდან
ბაზარზე შემოთავაზებული სიზუსტის უმაღლესი დონე
პაციენტის შესახებ ნებისმიერი ინფორმაცია და კვლევის შედეგი არ გადაეცემა მესამე პირებს
კვლევა მშობლის/ნათესაობის დასადგენად, რომელიც უფრო ხშირად ცნობილია, როგორც მამობის ტესტი, განსაზღვრავს არის თუ არა საკვლევი პირი კონკრეტული ადამიანის მშობელი.
პროცესი მოიცავს ბიოლოგიური მასალის – ლოყის შიდა ზედაპირის ნაცხი, სისხლი ან სხვა ბიოლოგიური ნიმუში – შეგროვებას სავარაუდო მშობლის და შვილისგან.
შემდეგ ხდება საკვლევი ნიმუშისდან დნმ-ის ექსტრაქცია და გენეტიკური ტესტირება ტარდება დნმ-ის კონკრეტული თანმიმდევრობების იდენტიფიცირებითა და მათი შედარებით.
ნათესაობის დასადგენად დნმ-ის ანალიზს შეუძლია დაადასტუროს ან უარყოს, არის თუ არა საკვლევი ინდივიდი ბიოლოგიური მშობელი. Kromos გთავაზობთ კვლევის ჩატარებას მშობლის/ნათესაობის დასადგენად.
კვლევისთვის საჭირო ბიომასალის შესაგროვებლად საჭიროა:
პროცედურის შესასრულებლად თქვენ უნდა გქონდეთ:
– სტერილური ნაცხის აპლიკატორი (ბამბის ჩხირი), რომლის შეფუთვა უნდა იყოს გაუხსნელი. ერთი ადამიანისთვის საჭიროა 4 ნაცხის აპლიკატორი.
– ქაღალდის გამოუყენებელი (ახალი) კონვერტი. თითო კონვერტი კვლევის თითოეული მონაწილისთვის. დაუშვებელია პლასტმასის შესაფუთი მასალის, პლასტმასის კონტეინერების და სხვა ნივთების გამოყენება.
ბიოლოგიური მასალის შეგროვებამდე თითოეულ ქაღალდის კონვერტზე დაიტანეთ შემდეგი ინფორმაცია:
კვლევის მონაწილის სახელი, გვარი
დაბადების თარიღი
კავშირი: მამა, შვილი, დედა
ბიოლოგიური მასალის შეგროვების თარიღი
ბიომასალის შეგროვების პროცედურის დაწყებამდე, კვლევის მონაწილეებმა (სავარაუდო შვილ(ებ)ი და მშობელ(ებ)ი) საჭიროა, რომ:
– არ მიიღოს საკვები მასალის შეგროვებამდე მინიმუმ ერთი საათის განმავლობაში (არ გამოიყენოს: თამბაქო ან სხვა მსგავსი საშუალება, საღეჭი რეზინი, ასევე, არ მიიღოს რაიმე სითხე, გარდა წყლისა).
– გულდასმით გამოირეცხეთ პირის ღრუ სუფთა წყლით.
კვლევაში მონაწილე თითოეულმა პირმა უნდა აიღოს ნაცხის აპლიკატორი, დაიჭიროს ის ერთი ბოლოთი, ხოლო მეორე ბოლო 20-30-ჯერ მოატაროს ლოყის შიდა ზედაპირზე, ნაზი ზეწოლით, რათა მოხდეს მასზე ბიოლოგიური მასალის აპლიკაცია.
კვლევის თითოეული მონაწილის ინდივიდუალური კონვერტი უნდა შეიცავდეს შეგროვებული მასალის 3-4 ნაცხის აპლიკატორს.
სხვადასხვა პიროვნების ყველა ნიმუში მოთავსებული უნდა იყოს ერთ (ცალკე) ქაღალდის კონვერტში, რათა თავიდან იქნას აცილებული ბიოლოგიური მასალის ჯვარედინი დაბინძურება. პლასტიკური შეფუთვის გამოყენება აკრძალულია.
ნიმუშების შეგროვების შემდეგ, უნდა მოშორდეს ნაცხის აპლიკატორის ის მხარე, რომელიც გამოიყენებოდა დასაჭერად, მეორე მხარე კი უნდა მოთავსდეს ქაღალდის კონვერტში.
დალუქეთ კონვერტი მასზე არსებული წებოვანი ზოლით ან სხვა მეთოდით.
კონვერტის დალუქვისთვის აკრძალულია ნერწყვის გამოყენება.
ბიომასალის შეგროვების პროცედურის შემდეგ დარეკეთ ნომერზე +995 32 211 00 50. ბიომასალის კონვერტები უნდა გადაეცეს Kromos-ის კურიერს, როემლიც საერთო შეფუთვაში მოათავსებს თქვენ მიერ კვლევისთვის გადაცემულ კონვერტებს.
გენეტიკური კვლევის პროცესში ხდება შესაძლო შვილისა და მშობლის დნმ-ის მონაკვეთების შედარება.
ამ უბნებს უწოდებენ “მარკერებს” და მათი არსებობა ან არარსებობა 100%-მდე სიზუსტით ადასტურებს ან უარყოფს კვლევის მონაწილეებს შორის ნათესაურ კავშირს.
ზოგადად, ტესტირება შეიძლება მოიცავდეს 15-დან 30-მდე დნმ-მარკერს, Kromos გთავაზობთ 26 დნმ-მარკერის იდენტიფიკაციას.
26Kromos გთავაზობთ დნმ-ის 26 მარკერის კვლევას
დნმ არის ორგანიზმის პრაქტიკულად ყველა უჯრედში, ამიტომ ხშირად გამოიყენება ყველაზე მარტივად შესაგროვებელი ბიოლოგიური მასალა – ლოყის შიდა ზედაპირის (ბოკალური ეპითელიუმის) ან სისხლის ნაცხი. საჭიროების შემთხვევაში, შესაძლებელია, ნებისმიერი ბიომასალის გამოყენება, მათ შორის, ემბრიონის ბიოფტატი მიღებული IVF ციკლის დროს.
დნმ-ის კვლევა ითვლება ტესტირების ყველაზე ზუსტ მეთოდად.
მშობლის/ნათესაობის ტესტი აჩვენებს:
ყველა ინდივიდში ცალკეული უბნების შედარებისას შეიძლება მოიძებნოს რამდენიმე განსხვავებული ვარიანტი – 7-დან (“TPOX” მარკერისთვის) 39-მდე (“SE33” მარკერისთვის) სხვადასხვა ვარიანტი. თუ ორი ადამიანის დნმ-ის გარკვეულ მონაკვეთებში არ არსებობს იდენტური უბნები, შეგვიძლია დარწმუნებით ვთქვათ, რომ ისინი არ არიან ნათესავები.
ასეთ შემთხვევაში, ლაბორატორია იძლევა 100%-იან სიზუსტეს, რომ მოწოდებული ბიომასალის მფლობელები არ არიან ნათესავები.
ნათესაობის ალბათობის შესაფასებლად, საჭიროა, ვიცოდეთ თითოეული უბნისთვის ვარიანტის განმეორებადობის სიხშირე პოპულაციაში. როდესაც ერთი “საერთო” ვარიანტი გვხვდება ორ ინდივიდში, გასათვალისწინებელია, რამდენად იშვიათია თითოეული ეს ვარიანტი პოპულაციისთვის და უნდა გამოითვალოს ურთიერთკავშირის ალბათობა.
ამდენად, გრაფაში – „შედეგის ინტერპრეტაცია” მითითებულია, თუ რამდენად უნიკალურია მშობლისა და შვილის გენეტიკურ ინფორმაციას შორის თანხვედრა.
რატომ არასდროს შეადგენს ნათესაობის ალბათობის სიზუსტე 100%-ს?
რამდენადაც, დნმ-ის ყველა უბნისთვის ვარიანტების კომბინაციების რაოდენობა შეზღუდულია, ყოველთვის არსებობს შანსი, რომ ორ არანათესავ ადამიანს თითოეულ უბანზე აღმოაჩნდეს ერთი და იგივე ვარიანტი. ასევე, არ არის გამორიცხული, რომ პოტენციურ მშობელს ჰყავდეს ტყუპისცალი. მონოზიგოტურ ტყუპებს აქვთ დნმ-ის იდენტური თანმიმდევრობა, შესაბამისად, ტესტი ვერ შეძლებს დაადგინოს, რომელი მათგანია მშობელი.
კვლევის შედეგი მიიღება
5 დღეშიბიოლოგიური მასალის ლაბორატორიაში მიღების შემდეგ
კვლევის დასრულების შემდეგ მიიღებთ შედეგს, რომელიც შეიცავს ინფორმაციას კვლევაში მონაწილე პირთა (პოტენციური შვილი და მშობელი) შესახებ და სპეციალისტთა შესაბამის დასკვნას.
იმ შემთხვევაში, თუ შედეგი დადებითია, დასკვნა იქნება შემდეგნაირი:
არ არის გამორიცხული No1 პაციენტისა (სახელი, გვარი) და No2 პაციენტის (სახელი, გვარი) ბიოლოგიური ნათესაობა.
ქვემოთ მოცემულია ნათესაობის არსებობის ალბათობა – ამ შედეგით ნათესაობის ალბათობა იქნება ~ 99,9%.
იმ შემთხვევაში, თუ შედეგი უარყოფითია, დასკვნა იქნება შემდეგნაირი:
გამორიცხულია No1 პაციენტისა (სახელი, გვარი) და No2 პაციენტის (სახელი, გვარი) ბიოლოგიური ნათესაობა.
ასეთი შედეგით ნათესაობის შანსი იქნება — 0%.
მრავალწლიანი გამოცდილება გენეტიკაში, ლაბორატორიულ დიაგნოსტიკასა და ბიოინფორმატიკაში
ყველა მონაცემი მკაცრად კონფიდენციალურია და არ შეიძლება გადაეცეს მესამე პირებს
კვლევის შედეგი მიიღება მცირე დროში
მუშაობა სისხლთან და ლოყის ეპითელიუმთან (ლოყის ნაცხი)
ხარისხის კონტროლი კვლევის ყველა ეტაპზე
ბიომასალის მიწოდება საქართველოს მასშტაბით
პასუხი თქვენს კითხვაზე ან შეტყობინებაზე
ჩვენ გამოგიგზავნით თქვენს მეილზე
დახურვა